کمک بیش از شش‌صد میلیونی ۲۰ ولایت به معارف

کودک‌خبر، کابل: وزارت معارف می‌گوید که در شش ماه نخست امسال، در بیست‌ ولایت بیش از شش‌صد میلیون افغانی به معارف کمک صورت گرفته است.

وزارت معارف در بیانیه‌ی گفته است که ولایت‌های خوست، دایکندی، کاپیسا، وردک، سرپل، بامیان، پنجشیر، سمنگان، بادغیس، کندهار، بلخ، نیمروز، شهر و ولایت کابل، هلمند، جوزجان، لوگر، هرات، پکتیا و پکتیکا، در شش ماه نخست امسال بیش از ۶۶۲ میلیون افغانی به معارف کمک کرده‌اند. این کمک‌ها شامل اهدای ۳۷۰ جریب زمین به معارف، ترمیم مکاتب، اهدای لوازم درسی و پول نقد می‌شود، از سوی «افراد معارف دوست» صورت گرفته و از طریق شوراهای مکاتب جمع‌آوری شده است.